Pancen Biantara "Tumut Ka Sepuh"
Bismillahirohmanirrohim,
Assalamu’alaikum
warohmatullohi wabarokatuh,
Alhamdulillahirobbil’alamin,
Pujining
ati anu wening, mangga urang sami-sami dugikeun ka Dzat Illahi Robbi. Sembahing
sukma anu setra, unggal napas urang sanggakeun ka Dzat Alloh Subhanahu Wata’ala.
Alloh anu Maha Luhur, Alloh anu Maha Kawasa, luhur anu henteu ka wengku ku
usum, kawasa anu teu kasengker ku wates, sadaya makhluk aya dina
cecepengana-Na.
Sholawat
sinareng salam, rahmat miwah kawilujeungan mugia ngocor salamina ka junjungan
urang Kanjeng Nabi Muhammad Sollallohu Alaihi Wassalam, teu ka kantun ka
kulawargina, shohabatna, miwah ka urang sadaya umatna anu saratia. Amin
Ibu
guru pangaping Basa Sunda anu lenggah kalih ingkang rerencangan sapuluh opat
anu ku sim kuring dipiasih. Dina kasempetan ieu sim kuring bade ngadugikeun
jejer biantara “Tumut Ka Sepuh”.
Di
jaman Rosululloh Sollallohu Alaihi Wassalam, salah saurang shohabat dumeuheus
ka Rosululloh, kalayan buleud patekadan seja nampa jeung narima ajaran-ajaran
Islam salaku hiji ajaran jeung hiji agama anu hak di payuneun Alloh swt. sajaba
eta shohabat ngagaduhan hiji tujuan anu mulya nya eta jihad fisabilillah
sasarengan sareng Rosululloh nanjeurkeun agama Alloh. Cacakan eta shohabat
dumeuheus ti tempat anu nyingkur kalayan tekad anu buleud, seja ngabela agama
Alloh.
Rosululloh
masih keneh tumaros : “Naha hidep datang teh rek ikrar ngabela agama
Alloh, atawa neangan ka masyhuran katut popularitas atawa nyuprih karidloan
Alloh?”
Shohabat
eta ngawaler : “Sim kuring mios ti
rorompok seja milari pahala ti Alloh, nun Rosululloh.”
Rosululloh
tumaros deui : “Naha
hidep masih keneh boga indung bapa atawa salah sahijina?”
Shohabat
eta ngawaler : “Kantenan Rosululloh.
sepuh abdi masih keneh aya duanana.”
Rosululloh
ngadawuh : “Lamun mah hidep rek nyuprih
ridlo Alloh kami rek marentahkeun; Hidep kudu balik ka indung bapa, tuluy kudu
nyieun kahadean ka duanana.”
Hadirin
nu mugia dimulyakeun ku Alloh
Rupina
Rosululloh parantos kenging wahyu ti Alloh yen ieu shohabat teh teu acan sempet
midamel kasaean ka ibu ramana sacara sampurna. Sumangetna anu kalintang
ageungna ditunda, ku sabab dianggap teu acan sampurna imanna hiji jalma
sateacan tiasa babakti ka ibu ramana. Katerangan anu nembe ngeceskeun yen ridlo
Alloh aya dina ridlo indung bapa.
Dosa
ka sepuh, numutkeun ajaran Islam di anggap Akbarul kabair, dosa anu paling gede
diantara dosa-dosa anu garede. Sacara garis badag, aya opat tatakrama anu kedah
dikanyahokeun ku urang salaku muslim :
1.
Taat ka aranjeunna tina parentah sareng larangannana,
satungtung parentah sareng larangan eta henteu ditujukeun pikeun maksiat.
2.
Ngahormat ka aranjeunna, nyakup handap asor
ngamulyakeun ku sikep jeung ku perbuatan.
3.
Nyieun sae ka aranjeunna teh kudu loyog jeung
kamampuhan.
4.
Silaturahim, atanapi nepungkeun babarayaan.
Ngarupikeun
amal anu moal pegat nepi ka alam akherat nyaeta du’a hiji putra ka ibu ramana.
Ku kituna sumangga urang sami-sami ngadu’a sakumaha du’a anu parantos di
ajarkeun Alloh dina Al-Qur’an
Ya Alloh mugi Gusti ngahapunten, kana dosa abdi jeung kana
dosa ibu bapa abdi. Sareng mugi mikanyaah Gusti ka aranjeunna, sakumaha
aranjeunna tos ngarawatan ka abdi ti leletik
Hadirin nu mugia
dimulyakeun ku Alloh
Rupina sakitu anu kapihatur. Bobo sapanon carang
sapakan. langkung saur bahe carek, neda agung tawakuf. Billahhi taufik
walhidayah, Wassalamu’alaikum Warohmatullohi Wabarokatuh.
Komentar
Posting Komentar